ધર્મેન્દ્રસિંહજી આર્ટ્સ કોલેજ રાજકોટ દ્વારા સપ્તધારા અંતર્ગત રંગકલા કૌશલ્ય ધારા હેઠળ રંગોળી સ્પર્ધાનું આયોજન તા. 07/08/2025 ના રોજ રંગક્લા કૌશલ્ય ધારાના કોર્ડીનેટર ડૉ. તૃપ્તિ ગજેરા અને સભ્ય ડૉ. હર્ષિદા જગોદડીયા દ્વારા રંગોળી સ્પર્ધાનું આયોજન કરવામાં આવેલ. જેમાં આ કોલેજના કુલ અગિયાર વિભાગોમાંથી કુલ આઠ વિભાગ દ્વારા સ્પર્ધામાં ભાગ લીધેલ. વિષય ને અનુલક્ષીને શ્રાવણ માસને ધ્યાનમાં રાખીને શિવ મહિમા દર્શાવતા ચિત્રનું આલેખન વિદ્યાર્થીઓ દ્વારા કરવામાં આવેલ. આ સ્પર્ધામાં નિર્ણાયકશ્રીઓ માં અંગ્રેજી વિભાગનાં અધ્યાપક ડૉ. ઋષિરાજ વાઘેલા અને ગુજરાતી વિભાગના અધ્યાપક ડૉ. અશ્વિન બારડ ની નિમણુક કરવામાં આવેલ.દરેક વિભાગના વિદ્યાર્થીઓએ આ સ્પર્ધામાં ઉત્સાહભેર ભાગ લીધેલ તેમજ પોતાની રસ-રુચિ અને આંતરિક શક્તિઓ મુજબ સુંદર કલાકૃતિઓ ઓ દ્વારા રંગોળીનું આલેખન કરેલ. રંગોળી સ્પર્ધામાં વિજેતા થયેલ વિભાગમાં પ્રથમ ક્રમે મનોવિજ્ઞાન દ્વિતીય ક્રમે ગુજરાતી - અર્થશાસ્ત્ર અને તૃતીય ક્રમે હિન્દી –અંગ્રેજી વિભાગ જાહેર થયેલ. સ્પર્ધામાં ભાગ લીધેલ દરેક વિભાગના વિદ્યાર્થીઓને કોલેજના પ્રિન્સિપાલ શ્રી ડૉ. પરેશ એન. રાવલ દ્વારા અભિનંદન પાઠવી પ્રોત્સાહિત કરવામાં આવેલ.