ધર્મેન્દ્રસિંહજી આર્ટ્સ કૉલેજ, રાજકોટ દ્વારા તા.01/07/2022ને શુક્રવારના રોજ બપોરે 12:00 વાગ્યે કૉલેજના ઓડીટોરિયમમાં પ્રથમ વર્ષ બી.એ.નાં ગુજરાતી વિષયના વિદ્યાર્થીઓને માટે ગુજરાતી વિભાગ દ્વારા ‘વર્ષાઋતુનાં વધામણા’ કાર્યક્રમનું આયોજન કરવામાં આવ્યું હતું. પ્રસ્તુત કાર્યક્રમમાં ઉપસ્થિત વિદ્યાર્થીઓ દ્વ્રારા વર્ષાને આધારિત ગુજરાતી તથા અન્ય ભાષાની કૃતિઓ રજૂ થવા પામી હતી. ઉપરાંત ડૉ.એન.વી.જાની તથા ગુજરાતી વિભાગાધ્યક્ષશ્રી ડૉ.જે.એસ.ઉપાધ્યાયએ પણ પ્રસંગોચિત્ત કાવ્યો તથા તેનું રસ દર્શન કરાવેલ. કાર્યક્રમમાં બહોળી સંખ્યામાં વિદ્યાર્થીઓ હાજર રહ્યાં હતા. ગુજરાતી વિભાગના અધ્યક્ષશ્રી ડૉ.જે.એસ.ઉપાધ્યાયના માર્ગદર્શન અને સુચન તળે સમગ્ર કાર્યક્રમનું આયોજન તથા સંચાલન ગુજરાતી વિભાગ દ્વારા કરવામાં આવ્યું હતું.