તા:૩૦/૧૨/૨૦૧૭ને ગુરુવારના રોજ સવારે ૯;૦૦ વાગ્યે રૂમ નં.-૧૭માં ગીતા જયંતિના અનુલક્ષ્યમાં ધર્મેન્દ્રસિંહજી આર્ટસ કોલેજ, રાજકોટ ખાતે સાંપ્રત સમયમાં ગીતાના વિચારોની ઉપયોગીતાના આધારે ‘ગીતા જગત માતા’ વિષય પર વકતૃત્વ સ્પર્ધાનું આયોજન કરવામાં આવેલું. જેમાં તત્વજ્ઞાન અને સંસ્કૃત વિષયના સેમ.-૧,૩,૫નાં વિદ્યાર્થીઓએ ઉત્સાહપૂર્વક ભાગ લઈને સ્પર્ધાના આયોજનને સફળ બનાવેલ. કૉલેજના આચાર્યાશ્રીનીલાબેન ઠાકરના માર્ગદર્શન અને આદેશ અનુસાર સ્પર્ધાને સફળ બનાવવા માટે તત્વજ્ઞાન વિભાગના અધ્યક્ષ પ્રા.બી.બી.કાછડિયાએ અને સંસ્કૃત વિભાગના અધ્યક્ષ ડૉ.હિતાર્થી અગ્રાવત તથા કોલેજના અન્ય સહ કર્મચારીઓએ જહેમત ઉઠાવેલ. સ્પર્ધામાં પ્રથમ ક્રમે બાલધા આદર્શ દ્વિતીય ક્રમે ધાડવી ભરત અને તૃતીય ક્રમે તાવીયા ઘનશ્યામ ના નામ જાહેર કરવામાં આવેલ. વિજેતા થનાર વિદ્યાર્થીઓને આચાર્યાશ્રી દ્વારા પ્રોત્સાહન આપવામાં આવેલું.